مهرجان الاخصام ضمو لبعضيهم انا مبخف و اخاف من ايه عصام صاصا الكروان جديد تم نشر المهرجان علي قناته الرسمية في منصة اليوتيوب,كلمات عبده روقه وانتاج عبد الله باندا واحمد حاتم, توزيع كيمو الديب.
كلمات المهرجان كالاتي:
انا مبخافش وهخاف من ايه وانا لو خوفت هخونهم ليه
واللي تمامو يا صاحبي جنيه سهل وعادي مقدور عليه
بس اللي هيجي في سكتي هيبقي جه لموته برجليه
واللي هيجي عشان ينصحني ياريت نصيحتو تبقي ليه
طلقه بطلقه وحرب بحرب وبقولها يارب استرها معايا
سايب الناس بتقول بهواها وبعمل بس اللي علي هوايا
انا مش بشكي لحد همومي وبادري وبكتم يابا جوايا
اي بدايه وليها نهايه واي نهايه وليها بدايه
ناس بتحور ناس بتنافق ناس علشان ناس تخسر ناس
ناس من اجل السيط بتوافق دي تقل قيمتها وتداس
وناس كتير في الضيقه بتفارق اما بتوشك علي الافلاس
وناس الموت عندها مش فارق ومفيش في قلوبهم احساس
انا قرفان مخنوق مش فايق ومتضايق وعيوني بتدمع
كنت فاكركم اخوات وشقايق واننا بالحب بنتجمع
بس لاقيت اللي بيتجاشع واللي بيسرق واللي بيطمع
قاطع ودني وقافل عيني ومن الاخر لا بشوف ولا بسمع
الاخصام ضموا لبعضيهم والاصحاب قلبت علي بعض
مهما عملت عشان ارضيهم انا برضو ايديا بتتعض
كانوا فاكريني هموت بعديهم بس انا استقويت في البعد
الطيب يغلب وسطيهم دي ناس بتخلف ايوها وعد
اللي بيبعد في الازامات واللي بيهرب وماشوفهوش
بجد قلبي الطيب مات وبقيت واحد معرفهوش
لو فكرتوني زي زمان يبقي تفوقوا ماتتغشوش
ملعون ابو صحاب الكيف دول من الرجل مايتقلعوش
ماشي وعامل فيها مش فاهم اللي بيحصل يابا حواليا
اكتر حد بيغدر بيا اكتر حد قريب ليا
انا بتعذب من الصدمات انا مستاهلش اللي بيجرالي
زهقت من كتر الحوارات بس عامل مش واخد بالي
حبيت نفسي كرهت صحابي وبنسي اي حاجه تزعلني
لاني مجبر احب غيابي واعمل فيها مبقاش يشغلني
مالقيتش حد خبط علي بابي ولا حد في شدتي كلمني
والحب اتحول كراهيه من اللي كنت فاكرهم مني
كنت حبيبك كنت طبيبك كنت بداوي جرحك بإيديا
وقت الشده انا مالقتكيش سيبتيني في توهه لوحديا
كنت انا فاكرك بتحبيني اتاريكي بتحبي الماديه
مهما هتحكي ومهما هتشكي مش هرجع ليكي يا عينيا
للاستماع إلى الأغنية كاملة، يمكنك زيارة القناة الرسمية لعصام صاصا على يوتيوب: استمع الي الأغنية من هنا.
إرسال تعليق